Abby Viral Break-Up Motivation Rap

Abby Viral Break-Up Motivation Rap, This will heal your pain of break-up

Sab ho jata hai soona, jaise hava chali ho sard,
Har nakamiyab relationship Ke baad reh jata hai sirf dard,

Unke jaane ke baad bhi lagaav rehta hai
Muskurate hain hum lekin dil ke andar ghaav rehta hai,

Formally sabhi logo se bartaav reh jata hai
Ek toota hua insaan zindagi me kuch bhi nahi kar paata hai,

Har roz usko aati hai, un lamho ki yaad
Kash sab kuch pehle jaisa ho jaye, yahi karte hai fariyaad,

Wo Facebook ki chat, Wo call pe ghanto baatein karna
Vo whatsapp ke status, aur bheed me haath pakadna,

Unke birthday se mahino pehle paise karna save
Har mushkil me sath dena, banke andar se brave,

Wo roz ki nok jhok, aur silly fight
Unka masoom sa muskurata chehra, aur chehre pe padti dim light,

Kya isi din ke liye tha ye sab, k ek din tum toot ke bikhar jao
Are tum to ek shining diamond ho yar, khud ko ghiso aur nikhar jao,

Jisko tum me aaj hazaro galatiyan nazar aa rahi hai,
Kabhi usi ne kaha hoga na, ke tum jaise bhi ho mere ho.

Saath mai jeene marne ki khayi hogi kasam
Lekin ab kya hua, aaj uski kasam chulhe me bhasam?

Shadi karne ka bhi kiya hoga plan
Fir kyu chota ho gaya uske pyaar aur feelings ka lifespan ?

Is duniya me kahi bhagwan hai, to samjho unhi ki taraf se ye paigaam aaya hai,
Ye pyaar aur feelings kuch permanent nahi hai, sab moh maya hai.

Aur dekha jaye to loss aapka nahi uska hua hai
Aapne kuch nahi khoya, lekin usne ek aisa insaan kho diya jo shayad is duniya me usse sab se zyada pyaar karta tha,

Aapki zindagi me jo hua, usko haste hue accept karo
Duniya baad me karegi aapki, pehle aap khud ki respect karo,

Kabhi kabhi move on karna aasan nahi hota
Lekin baad me aapko samajh me aata hai ke ye aapki zindagi ka sabse accha faisla tha,

Zara dimag lagao…thoda logical soachte hain yaar,

Jo insaan aapke sare sacrifices ko bhul jaye
Jiske liye aap ek second me ho gaye paraye,

Sath me khayi sari kasame tod de
Zindagi ke safar me beech raaste pe chod de,

Relationship ke beech me macha de bawaal
Bina parwah kiye, iske baad kya hoga aapka haal

Aap ek bhayanak aur daravna sapna dekh rahe ho

Apne aap ko jagao

Us insaan ki parchayi tak ko apni zindagi se bhagao.

Jab sab khatam ho chuka hai, toh tension kyu le rahe ho,
Ek already mare hue paudhe ko paani kyu de rahe ho?

Apne past ki bad memories ka anth kar do,
Kya aap abhi bhi us se kbi kbi baat karte ho? Please yar bannd kar do.

Jin rassiyon ne aapko baandh ke rakha hai, use aaj hi tod do
Whatsapp, Facebook, Instagram har jagah se usko stalk karna chod do,

Ye ek aisa khel hai jisme jo khelega vo harega
Ye ek aisa zeher hai jo aapko dheere dheere roz aapko marega,

Ye sab havabazi nahi hai, jo maine aapko bataya hai
I know ye sab bolna aasan hai, lekin maine bhi ye kar ke dikhaya hai,

Also Read: The Money Motivation.

Hope y’all like our motivational series content:

Read Our Ultimate Motivation Content Click Me

Follow Me On Instagram : the_aakash_sky

We hope you liked the content of our page Read EveryDay Blogs at dailyblogday