Circus By Jai Ojha – Mujhe Nahi Samajh Ata Kyu

  • Post author:

Circus – jai Ojha asks few question on relationships, break ups, pain, separation, poverty, war, inequality

Mujhe nahi samajh ata kyu,
Kyu wo shaksh jisme mujhe apna sabkuch nazar aya wo dobara nazar tak nahi aya.

Kyu wo raahi jisse mil gaya hai koi aur humsafar lautkar ghar nahi aya,
Kyu maan liya kisine apna aur fek diya agle hi pal jese kabhi koi raabta na tha.

Kyu wo jo sirf aur sirf mera lagne laga tha mera na tha,
Kyu wo shaksh jisne dikha diye tumhe tamam haseen khwab sabko kuchal kar aage badh jaata hai,
Aur kyu tumhara zehen yakin karta hai itna ki bas umeed liye reh jata hai.

Mujhe nahi samajh ata kyu kisi gair ke diye zakhm ka kabhi koi fark nahi padta,
Aur kyu kisi apne ke thukra dene par, dil fir sambhal nahi pata.

Mujhe nahi samajh ata kyu ek parinda aasmaan mai udte huye reh jaata hai itna piche, ki dobara usse apna kaafila nahi dikhta,
Aur aakhir kyu dar badar bhatakne par bhi tinka tinka jodkar bhi banaya apna ghosla nahi dikhta.

Mujhe nahi samajh ata kyu uss mehengi car ko jo tezi se gujar jaati hai, sadak ke kinaare soya bachha nahi dikhta,

Aur aakhir kyu fakat ek line kheech dene par ek ajnabi ko dusre ajnabi mai insaan nahi dikhta.

Mujhe nahi samajh ata kyu ek saji parosi thaali ko uska khaanewala nahi milta,
Aur aakhir kyu ek masoom ko kachre ke dher mai dhundne par bhi apna nivaala nahi milta.

Mujhe nahi samajh ata kyu kisi gair ke diye zakhm ka kabhi koi fark nahi padta,
Aur kyu kisi apne ke thukra dene par, dil fir sambhal nahi pata. ek taraf vishwa ki sabse oonchi imaarat khadi hoti hai,
Toh dusri taraf ek shaksh apna ghar toofan mai udd jaane ke darr se so nahi pata.

Aur aakhir kyu usse bachpan se le kar aaj tak baar baar keh kar pukara gaya hai mard jo siskiya bharta hai lekin khul kar ro nahi sakta.

Mujhe nahi samajh ata kyu ek bachhe ka basta itna bhaari kar diya jata hai ki wo nahi ban pata ta-umar jo wo ban sakta tha,

Aakhir kyu usse khula maidan chhin kar thamaya jata hai ek target jo taa-zindagi kabhi pura nahi ho pata.

Mujhe nahi samajh ata kyu majbooriyo ne kisike bachpan ko behrehmi mai jakda hota hai.

Aakhir kyu wo nanhi masoom si ungliyo ne dukaan par chai ki glass ko pakda hota hai.

Mujhe samajh nahi ata kyu, yahan jeene ke liye har roz marna padta hai,

Kyu ek murda imaarat ke banne liye ek zinda ped ko katna padta hai.

Ye kaisa circus hai zindagi ka sahab, yahan roti ke liye bachhi ko circus mai hona padta hai,

Aakhir kyu

Also Read: Poem on Shri Narendra Modi

Follow Me On Instagram: the_aakash_sky

Also Read: Poem on Father

Also read: Mitti Hona Pasand Aaya

This Post Has 4 Comments

Leave a Reply