Jai Ojha famously known as the Digital Shayar of India. Toh Pata Chale is one of the poems written by him. Here you’ll find out the lyrics of the poem Toh Pata Chale.
Toh Pata Chale Shayri by Jai Ojha
Jo kabhi tum mohabbat karo toh pata chale,
Siddhat se kisiko Chaho toh pata chale,
Yu ishq toh kiya hoga, tumne bhi kayi dafa,
Lekin kabhi toot ke chaho aur bikhar jao toh pata chale,
Jo kabhi mohabbat karo toh pata chale.
Kya yaad hai, tumko wo humari mohabbat ka zamana,
Wo sard raato mai rajai mai ghuskar mera tumse ghanto batiyana,
Are kitne jhoote the tumhare wo vaade, tumhare wo messages,
Jo wo chat padh ke dobara aake mujhse nazre mila sako toh pata chale,
Jo kabhi mohabbat karo toh pata chale.
Aur jo love you forever likh diya karti thi tum hamesha aakhir mai,
Toh kabhi fursat mai aa kar uss forever shabd ke maayne mujhe samjha jao toh pata chale,
Jo kabhi mohabbat karo toh pata chale.
Khair ab toh mere calls logs mai bhi kahan nazar aati ho tum,
Wo subah 4 baje tak chalne wala fasana shayad Rakib ko hi sunati ho tum,
Aur baatein toh wo bhi karta hoga behisaab tumse,
Lekin kabhi sard raat mai phone charge mai laga ke khade khade tumse batiya sake toh pata chale,
Jo kabhi mohabbat karo toh pata chale.
Also Read: Ab Fark Nahi Padta
Aur jo kabhi talab ho ya talaash ho meri tarah usse bhi tumhari agar,
Toh block ho ke Facebook pe baar baar tumhara naam daal ke search karta rahe toh pata chale,
Jo kabhi mohabbat karo toh pata chale.
Khair mai janta hu, wo bhi nahi dekh pata hoga tumhe jakhmi hote huye,
Aree aakhir koi kaise dekh le tumhare komal badan par chot lagte huye,
Aree yu marham toh wo bhi bana hoga tumhare ghaavo pe,
Lekin kabhi tumhari anguli kat jaane par apni jeebh tale daba sake toh pata chale, Aur zindagi toh usne bhi maana hoga tumhe,
Lekin kabhi khuda maanke ibaadat kar sake toh pata chale,
Jo kabhi mohabbat karo toh pata chale.
Khair ab toh jaati ho tum uske sang do jahano mai,
Ghumti ho uska saath thaame sheher sheher thikano mai,
Lekin hai himmat tum mai agar toh jahan kiya tha mujhse taumra saath nibhaane ka vaada,
Kabhi uss viraane ho aao toh pata chale,
Jo kabhi mohabbat karo toh pata chale.
Humari mohabbat ko gumnaam toh kar diya hai tumne har jagah se,
Lekin wo darakt jahan pe guda hai naam mera aur tumhara,
Jao aur usse benaam kar aao toh pata chale,
Jo kabhi mohabbat karo toh pata chale.
Khair ab toh uske sang kai raatein bhi bitayi hogi tumne,
Sirhane uske baith kar wo kahaniya bhi sunayi hogi tumne,
Subah ki chai bhi jo piti ho uske saath aksar,
Aur bachi ho halak mai thodi si bhi wafa agar,
Toh wo jo mere muh lagi coffee jo mere saath baith kar piya karti thi,
Uss coffee ka ek ghoont bhi apne gale se utaar kar dikha sako toh pata chale,
Jo kabhi mohabbat karo toh pata chale.
Aur jo kabhi tum janna chhaho ki gam – e – tanhaai kyaa hai,
Toh uss cafe mai jaise mai jata hu akele jaake ek shaam bita aao toh pata chale,
Jo kabhi mohabbat karo toh pata chale.
Khair, tumhe toh shayad lagta hoga ki barbaad ho gaya hu mai,
Lekin nahi iss gam mai reh kar har gam se azaad ho gaya hu mai,
Aree kitna chain aur sukoon hai uss neend mai,
Jo wo takiya aasuo se geela karke fir palat ke uss pe so sako toh pata chale,
Jo kabhi mohabbat karo toh pata chale.
Aree bada mushkil hai zamane se apna gam chhupana,
Jo subah uth kar ek jhooti muskaan liye kaam par nikal sako toh pata chale,
Jo kabhi mohabbat karo toh pata chale.
Also read: Gairon ke hona sikh gaye
Khair yu toh tumne bhi jata diya ki tumhe dard nahi hota,
Yu toh tumne bhi jata diya ki tumhe dard nahi hota,
Aur mai bhi hu befikra itna ki mujhe bhi fark nahi padta,
Aree koi afsos nahi hai mujhe tumhare jaane ka ab,
Aree tum jao yaar der se hi sahi kabhi tumhe meri ehmiyat toh pata chale,
Lekin yaad rakhna bas itna ki bahut aasan hai rishte tod dena, kisiko chhod dena,
Jo Taumra kisi ek ke ho ke nibha sako toh pata chale,
Jo kabhi mohabbat karo toh pata chale.
Follow Jai Ojha on Instagram: Jai Ojha
Follow Me On Instagram: the_aakash_sky
